काठमाडौं । ब्रिटिस ब्राण्ड बेलाकोका इलेक्ट्रोनिक्स सामानको नेपालमा औपचारिक बिक्रि सुरु भएको छ । आइकेबिएच ग्रुपले, बेलायती ब्राण्डको इलेक्ट्रोनिक्स सामानहरुको नेपालमा आजदेखि औपचारिक बिक्रि सुरु गरेको हो ।

आज काठमाडौंमा एक कार्यक्रमका बीच सो ग्रुपले ‘बेलाको’ ब्राण्डका सामानको औपचारिक बिक्रि सुरु गरिएको घोषणा गरेको हो । नायक प्रदिप खड्का  र कम्पनीका कार्यकारी प्रमुख अब्दुल बासिदले संयुक्तरुपमा सो ब्राण्डका फ्रिज, वासिङमसिन, डिस्पेन्सर, फ्यान, हिटर, राइसकुकर, ग्यास चुलो, इलेक्ट्रिक जगलगायतका विभिन्न इलेक्ट्रोनिक्स सामानहरुको नेपालमै बिक्री सुरु भएको घोषणा गरेका हुन् ।

ग्रुपका कार्यकारी प्रमुख बासिदले, आफूहरुको अन्य कुनै ब्राण्डसंग प्रतिश्पर्धा गर्ने उद्देश्य नभई विदेशमा मन जित्न सफल भएको ब्राण्डलाई आफ्नै देशमा भित्र्याउनु मुख्य लक्ष्य रहेको दाबी गरे । आइकेविएच ग्रुपका नेपाल प्रमुख लक्ष्मण सापकोटले नेपालमा विदेशी बेलायती ब्राण्डको सामान काठमाडौंको सितापाइलाबाट औपचारिक बिक्रि गरिएको जानकारी दिए । उनले भने ‘विदेशी विदेशमा मन जित्न सफल ब्राण्ड भएकाले नेपालीको मन जित्नेमा आफूहरु आशावादी रहेको बताए।’