काठमाडौं । राष्ट्रिय खाद्य बैंक लिमिटेडमा जोडिनेको संख्या दिनानुदिन बढ्न थालेको छ। रैथाने बालीको जगेर्ना गर्दै सनातनी खाद्य सामग्री उत्पादन र वितरण गर्दै आएको सो बैंकमा समाजमा प्रतिष्ठित ब्यक्तिहरुको आकर्षक बढ्दो छ।

कृषिमा आत्मनिर्भर बन्ने र पोषिलो खान्की खुवाएर नेपालीलाई हदैसम्मको निरोगी बनाउने उक्त बैंकको रणनीति छ। सो बैंकले अहिले तराई र पहाडमा जग्गा लिजमा लिएर बिषादीयुक्त खाद्यबस्तु उत्पादन र वितरण गर्दै आएको बैंकका कार्यकारी अध्यक्ष शंकरनाथ उप्रेतीले बताए।

आम नगरिकको बैंक प्रतिको चासो बढेकै बेला विभिन्न राजनीति दलमा सकृय नेता कार्यकर्ता समेत बैंकमा जोडिएका छन् । हालसालै मात्र नेकपा एमालेका पोलिटब्यूरो सदस्य बिशाल भट्टराई एउटा डफ्फा सहित खाद्य बैंकमा जोडिएका छन् । खोटाङका लोकप्रिय नेता भट्टराई यसअघि प्रतिनिधिसभामा प्रमुख सचेतक थिए।

त्यस्तै सोलुखुम्बुबाट प्रत्यक्ष निर्वाचत प्रतिनिधिसभा सदस्य मानबीर राई पनि बैंकको काम देखेर उत्साहित बनेका छन् । राई प्रतिनिधिसभाको कृषि समितिका सदस्य समेत हुन् । त्यस्तै केही दिन अघि नायिका रेजिना उप्रेती समेत बैंकको सदस्य बनेकी छन् ।