मेष
(चु, चे, चो, ला, लि, लु, ले, लो, अ)

मन मिल्ने साथीको सहयोगले हौसला प्राप्त हुनेछ । आफूसँग भएको क्षमता प्रदर्शन गर्ने अवसर जुट्ला । अभिभावकबाट प्राप्त सुझावले अधुरा कार्य पूरा गर्न सहयोग मिल्नेछ । परोपकारमा रुचि बढ्नेछ । असहज परिस्थतिबाट उम्कन केही बढी नै खर्च हुनेछ । साताको अन्त्यमा स्वास्थ्यमा ध्यान पुर्‍याउनुहोला ।

वृष
(इ, उ, ए, ओ, वा, वि, वु, वे, वो)

सानो लगानीबाट सुरु गरेको व्यवसायले उचाइ लिई मुनाफा आर्जन गर्न केही समय कुर्नुपर्नेछ । साझेदारीबाट थालिएका कार्यले फाइदा पुर्‍याउदै अन्य अवसरको ढोका खोल्नेछ । रोजगारी तथा पदोन्नति प्राप्त गर्न कडा मेहनत गर्नुपर्ला । व्यवसायका सिलसिलामा विदेश यात्राको योजना तय हुनसक्छ ।

मिथुन
(का, कि, कु, घ, ङ, छ, के, को, हा)

मित्रहरूले दिएको वचन फेरिन सक्छ । प्रतिस्पर्धामा सम्मानजनक स्थान हात पर्नेछ । लामो समयदेखिका बाधाहरू स्वत: फुकुवा हुनेछन् । हरियो रंगको रचनात्मक प्रयोगले लाभ पुग्ने देखिन्छ । साताको अन्त्यमा फजुल खर्चले चिन्ता बढाउनेछ ।

कर्कट
(हि, हु, हे, हो, डा, डि, डु, डे, डो)

प्रेमिकाले नयाँ स्थानको भ्रमण गर्ने प्रस्ताव राख्न सक्छिन् । पूर्वयोजनाबेगर आकस्मिक यात्रा गर्दा अनपेक्षित खर्च आइलाग्नेछ । वैदेशिक क्षेत्रमा गरिएका कार्यबाट प्रतिष्ठा प्राप्त भै पदोन्नति तथा इनाम हात पर्न सक्छ । इच्छाबेगरै पनि भोजभतेर तथा मनोरञ्जनमा उपस्थिति जनाइनेछ ।

सिंह
(मा, मि, मु, मे, मो, टा, टि, टु, टे)

विचार परिवर्तन भै परोपकार तथा पूण्य आर्जन गर्न संलग्न भइनेछ । परिस्थिति पहिचान गरी पुरुषार्थ प्रदर्शन गर्न सके मान–प्रतिष्ठा प्राप्त हुन सक्छ । मित्रहरूले वचन पूरा नगर्दा आर्थिक हैरानी बेहोर्नुपर्ला । अनुकूल तथा प्रतिकूल जुनसुकै अवस्थामा अरूको मुख ताक्नाले पछि परिएला ।

कन्या
(टो, पा, पि, पु, ष, ण, ठ, पे, पो)

प्रेमिकाको प्रस्ताव आलटाल गर्नाले आपसी दूरी बढ्न सक्छ । समाजका समस्याहरू सम्बोधन गर्ने युवा अभियानको नेतृत्व गर्ने अवसर प्राप्त हुनेछ । आफ्नो योजना सफल भै सार्थक परिणाम हात पार्न सकिनेछ । यात्राका क्रममा सचेतता अपनाउनुहोला ।

तुला
(टो, पा, पि, पु, ष, ण, ठ, पे, पो)

दिगो फाइदा हुने काम प्रारम्भ गर्ने अवसर जुट्नेछ । साथीभाइसँग लामो यात्रा गर्दा खर्चको भार आफूमाथि आइलाग्नेछ । छोटो समयमा विशेष उपलब्धि हासिल गर्न सकिनेछ । प्रलोभन देखाउनेहरूबाट टाढा रहँदै प्रतिष्ठा जोगाउने प्रयत्न गर्नुहोला । राति अबेरसम्मको मनोरञ्जनले स्वास्थ्य समस्या सिर्जना गर्न सक्छ ।

वृश्चिक
(तो, ना, नि, नु, ने, नो, या, यि, यु)

पर्यटकीय स्थलको भ्रमणले मन लोभ्याउनेछ । बिनायोजना पहिरन तथा गहना खरिद गर्दा खर्चले पिरोल्न सक्छ । पारिवारिक सल्लाहअनुरूप चुनौतीलाई परास्त गर्न सकिनेछ । राज्यस्तरबाट सहयोग प्राप्त होला । साताको अन्त्यतिर मठ–मन्दिरको भ्रमण हुनसक्छ ।

धनु
(ये, यो, भा, भि, भु, धा, फा, ढा, भे)

आफूलाई अनुभव नभएको व्यवसायमा मुनाफा दिलाउन साथीभाइको सहयोग जुट्नेछ । अपरिचित व्यक्तिसँग छिटो विश्वासमा पर्नाले आर्थिक नोक्सानी हुन सक्छ । व्यवसायका क्रममा यात्रा गर्नुपर्नेछ । साताको अन्त्यमा सामाजिक सेवा गर्ने अवसरले मान–प्रतिष्ठा बढाउनेछ ।

मकर
(भो,जा,जि,जु,जे,जो,ख,खि,खु,खे,खो,गा,गि)

प्रेमिकाको भाषा परिवर्तनले मनमा दुविधा उत्पन्न हुन सक्छ, उनको भावना बुझ्ने प्रयत्न गर्नुहोला । विभिन्न किसिमको सहभागिताले आकर्षक जिम्मेवारी दिलाउने सम्भावना छ, जसले आफूलाई विशेष फाइदा पुग्नेछ । व्यवसायमा नयाँ मित्रको आगमन हुनुका साथै आर्थिक समस्या टरेर जानेछ । साताको अन्त्यमा पारिवारिक भेटघाटमा रमाइनेछ ।

कुम्भ
(गु, गे, गो, सा, सि, सु, से, सो, दा)

ठूलो लगानीद्वारा गरिएको कामले लाभ दिलाउनेछ । कुनै पनि कार्य सम्पन्न गर्दा आफ्नो मात्र नभै अभिभावकको रुचिको पनि ख्याल गर्नुहोला । पेटसम्बन्धी समस्याले पिरोल्न सक्छ । पश्चिमतर्फको यात्रामा नीलो रंगको प्रयोगले नसोचेको परिणाम दिलाउनेछ ।

मीन
(दि, दु, थ, झ, ञ, दे, दो, चा, चि)

परिस्थितिले खराब आचरण हुनेहरूको संगतमा पुर्‍याउन सक्छ । मित्रहरूले अपेक्षा गरेजस्तो सहयोग नगर्दा बन्न लागेको काममा तगारो लाग्ने सम्भावना छ । किचलो र विवादबाट टाढा रहनुमै आफ्नो कल्याण छ । साताको अन्त्यमा मन मिल्ने व्यक्तिहरूसँग मनोरञ्जक भेटघाट हुनेछ ।