काठमाडौं। माउन्ट एभरेष्ट पावर डेभलपमेन्ट कम्पनीले आफ्नो जारी पुँजीको ३० प्रतिशत हुन आउने २५,८०,००० कित्ता साधारण सेयर निष्कासन गर्न एनआइएमबी एस क्यापिटललाई धितोपत्र निष्कासन तथा बिक्री प्रबन्धकमा नियुक्त गरेको छ।

कम्पनीले आयोजना प्रभावित क्षेत्रका स्थानीय तथा सर्वसाधारणमा आइपिओ निष्कासनसम्बन्धी सबै काम एनआइएमबी एससँग सम्झौता गरेको हो।

सेयर निष्कासन सम्झौतापत्रमा माउन्ट एभरेष्टका अध्यक्ष अर्जुनप्रसाद पौडेल र एनआइएमबी एस क्यापिटलका महाप्रबन्धक सचिन्द्र ढुंगानाले हस्ताक्षर गरे।

माउन्ट एभरेष्टडले दूधकुण्ड खोलाको पानी प्रयोग गरी १२ मेगावाट क्षमताको दूधकुण्ड खोला जलविद्युत् आयोजना निर्माण गर्दै आएको छ। सोलुखुम्बुमा अवस्थित उक्त आयोजना निर्माण ८० प्रतिशत बढी सम्पन्न भइसकेको छ।