काठमाडौँ । माछापुच्छ्रे क्यापिटल लिमिटेडले आफ्नो पाँचौं वार्षिकोत्सवको अवसरमा सामाजिक उत्तरदायित्व अन्तर्गत विभिन्न गतिविधिहरू सञ्चालन गर्दै आइरहेको छ। यसै क्रममा, २०८१ माघ ४ गते भक्तपुरको बोडे स्थित “श्री द्योमाँ जगत वृद्धाश्रम” मा सहयोग कार्यक्रम सम्पन्न गरेको छ।

कार्यक्रममा वृद्धाश्रममा बसोबास गरिरहेका वृद्धवृद्धाहरूलाई जाडोयाममा आवश्यक पर्ने ६ थान हिटर र खाद्यान्न सामग्रीहरू प्रदान गरिएको थियो। सहयोग हस्तान्तरण कार्यक्रममा वृद्धाश्रम समितिका अध्यक्ष प्रेमचन्द्र अदुवा श्रेष्ठ, मध्यपुर ठिमी नगरपालिका वडा नं. ८ का वडा अध्यक्ष रमेश थापा श्रेष्ठ, तथा माछापुच्छ्रे क्यापिटलका अध्यक्ष विश्वम्भर न्यौपाने र प्रमुख कार्यकारी अधिकृत उपेन्द्र मालाकारलगायतका कर्मचारीहरूको उपस्थिति रहेको थियो।

माछापुच्छ्रे क्यापिटल लिमिटेडले स्थापनाको पाँचौं वार्षिकोत्सवलाई विशेष बनाउन माघ महिनाभर विभिन्न कार्यक्रमहरू, जस्तै रक्तदान, वित्तीय साक्षरता प्रवर्द्धन, र सामाजिक सहयोग जस्ता गतिविधिहरू आयोजना गर्दैछ।

माछापुच्छ्रे क्यापिटल लिमिटेड, माछापुच्छ्रे बैंक लिमिटेडको सहायक कम्पनी हो। यसले धितोपत्र प्रत्याभूति, लगानी व्यवस्थापन, संस्थागत परामर्श सेवा, सामूहिक लगानी कोष लगायतका सेवा प्रदान गर्दै आएको छ। सामाजिक उत्तरदायित्वका यस्ता कार्यक्रमहरूले समुदायमा सकारात्मक सन्देश प्रवाह गर्ने अपेक्षा गरिएको छ।