चितवन।  चितवन जिल्ला दुग्ध उत्पादक सहकारी सङ्घ लिमिटेड र प्रभु बैंक लिमिटेडबीच किसान वर्गलाई लक्षित गरी ऋण कर्जा प्रवाह गर्ने समझदारी पत्रमा हस्ताक्षर भएको छ। उक्त समझदारी पत्रमा चितवन जिल्ला दुग्ध उत्पादक सहकारी सङ्घ लिमिटेडका अध्यक्ष श्री किशोर बगाले र प्रभु बैंक लिमिटेडका तर्फबाट श्री सांग्रिला श्रेष्ठले हस्ताक्षर गर्नुभएको हो।

समझदारी पत्रमा हस्ताक्षर समारोह प्रथम राष्ट्रिय डेरी एक्स्पो २०८१ को अवसरमा सम्पन्न भएको थियो। सो अवसरमा कृषि तथा पशुपालन क्षेत्रको प्रवर्द्धनमा यस सहकार्यले महत्वपूर्ण योगदान गर्ने विश्वास व्यक्त गरिएको छ।

हालै मात्र “बैंक अफ द इयर २०२३” को उपाधि प्राप्त गरेको प्रभु बैंकले नेपालभर ३११ शाखा, २८४ एटीएम, ६९ एक्सटेन्सन काउन्टर मार्फत करिब ३५ लाख ग्राहकलाई सेवा प्रदान गरिरहेको छ। अत्याधुनिक प्रविधि मार्फत गुणस्तरीय बैंकिङ सेवा प्रवाह गर्दै आएको प्रभु बैंक “फिनाकल इन्फोसिस इनोभेसन गोल्ड-२०२४” अवार्डबाट पनि सम्मानित भएको छ।

यस समझदारीले दुग्ध व्यवसायी किसानहरुलाई वित्तीय पहुँचमा सहजता ल्याउँदै दुग्ध उत्पादन वृद्धि गर्ने अपेक्षा गरिएको छ।