काठमाडौं । जेसीबी इक्यूपमेन्ट्स नेपालका आधिकारिक वितरक एमएडब्लू अर्थ मुभर्सले ‘डिलर अफ द इयर’ अवार्ड २०२५ प्राप्त गरेको छ। यो पुरस्कार दक्षिण एसियाका लागि असाधारण बिक्री प्रदर्शन, बजारमा प्रभुत्व, र ग्राहक सन्तुष्टिको आधारमा प्रदान गरिएको हो।

जेसीबी इन्डिया लिमिटेडका कार्यकारीहरू ग्राहम म्याकडोनाल्ड र दीपक शेट्टीले संस्थाको तर्फबाट यो अवार्ड प्रदान गरेका हुन्। उनीहरूले कम्पनीको नवप्रवर्तन, उत्कृष्ट सेवा, र ग्राहकहरूलाई प्रदान गरिएको मूल्यलाई सराहना गर्दै यसले उद्योगमा नयाँ मापदण्ड स्थापित गरेको बताए।

एमएडब्लू अर्थ मुभर्सले यो उपलब्धि हासिल गर्न ग्राहकहरूको विश्वास र समर्थनलाई मुख्य कारण बताउँदै आफ्नो प्रेस विज्ञप्तिमा आभार व्यक्त गरेको छ। कम्पनीले यो सम्मानले उनीहरूको निरन्तर प्रतिबद्धता र ग्राहकहरूसँगको मजबूत सम्बन्धलाई प्रतिबिम्बित गरेको बताएको छ।

यस अवार्डले नेपालमा जेसीबी उत्पादनहरूको बिक्री र सेवा प्रवाहलाई अझ बढाउने अपेक्षा गरिएको छ।