काठमाडौँ, फागुन २८ गते । प्रेस चौतारी प्रतिष्ठान प्रदेशका दोस्रो अधिवेशनले पुनः सरोज ढुङ्गेलको अध्यक्षतामा सर्वसम्मत रुपमा २४ सदस्यीय नयाँ कार्य समिति निर्वाचित हुनु भएको छ । बुधबार सम्पन्न भएको प्रेस चौतारी नेपाल प्रतिष्ठान प्रदेशको दोस्रो अधिवेशनबाट ढुङ्गेल अध्यक्षमा २४ सदस्यीय नयाँ कार्य समिति निर्वाचित हो । ढुङ्गेल यस अगाडि पनि अध्यक्षको जिम्मेवारीमा रहनु भएको थियो ।

उपाध्यक्षमा अर्जुन सापकोटा र सर्मिला थापा, महासचिवमा रमेश लामिछाने, कोषाध्यक्षमा जश्विन थापा, छ जना सचिवमा क्रमशः पुरुषोत्तम घिमिरे, विन्दु शर्मा, महेश निरौला, शेखर चौलागाई, सविना चेपाङ र परमानन्द राय निर्वाचित हुनु भएको छ ।यस्तै सदस्यहरुमा रविन रोकाहा, सञ्जिता आचार्य,शर्मिला पाठक,अमृता गाहा मगर, मञ्जिल घिमिरे,सविन बजगाँइ, विनु श्रेष्ठ, सुसन धमला, कृष्ण आचार्य,पोषक बहादुर खड्का र सञ्जिव मगर निर्वाचित हुनुभएको छ।

कार्यक्रममा नेकपा (एमाले) जनसङ्गठन संयन्त्र प्रमुख भानुभक्त ढकालले व्यावसायिक र मर्मादित पत्रकारितामा लाग्ने प्रेस चौतारीलाई आग्रह गर्नुभयो । उहाँले समाजमा अस्थिरता मच्चाउन खोज्ने केही झुण्डहरु एकै ठाउँमा आउन सक्ने भन्दै त्यस्ता झुण्डदेखि सचेत रहनुपर्नेमा जोड दिनुभयो ।

नेकपा (एमाले) प्रचार तथा प्रकाशन विभाग प्रमुख राजेन्द्र गौतमले पत्रकारिताको मूल्य र मान्यतालाई आत्मसाथ गर्दै पत्रकारले साङ्ठनिक क्रियाकलापमा पनि सक्रिय भएर लाग्नुपर्ने बताउनुभयो ।

कार्यक्रममा प्रेस चौतारी नेपालका अध्यक्ष गणेश बस्नेतले पत्रकारले आफ्नो लेखन शैलिलाई समयानुकुल परिमार्जन गरी सङ्गठनिक गतिविधिमा लाग्न प्रेस चौतारीसँग सम्बद्ध पत्रकारहरु सक्रिय हुनुपर्नेमा जोडदिनुभयो ।