काठमाडौँ । सिद्धार्थ बैंकले ग्राहकहरूलाई आकर्षित गर्न एफ १ सफ्ट र फोनपेको सहकार्यमा ‘टपअप र फोनपे डाइरेक्ट गरौँ, बम्पर उपहार जितौँ’ नामक एक नयाँ अभियान सुरू गरेको छ। यस अभियान अन्तर्गत ग्राहकहरूले आकर्षक उपहारहरू जित्ने मौका पाउनेछन्।

अभियानका लागि ग्राहकहरूले कम्तीमा रु. १०० को मोबाइल टपअप वा रु. ५०० को फोनपे डाइरेक्ट कारोबार गरेमा सहभागी हुन पाउनेछन्। यसरी कारोबार गरेका ग्राहकहरू साप्ताहिक रूपमा १०० जनालाई रु. १०० को मोबाइल टपअप उपहार दिइनेछ। साथै, अभियान अन्त्यमा एक जना भाग्यशाली विजेताले नयाँ आईफोन १६ जित्ने मौका पाउनेछन्।

यो अभियान २०८१ चैत्र १ देखि चैत्र ३१ सम्म सञ्चालन हुनेछ। सिद्धार्थ बैंकले यस अभियान मार्फत ग्राहकहरूलाई डिजिटल भुक्तानी प्रणाली अपनाउन प्रोत्साहित गर्ने लक्ष्य राखेको छ।

ग्राहकहरूले बैंकको आधिकारिक वेबसाइट वा नजिकको शाखामा सम्पर्क गरेर अभियानसम्बन्धी थप जानकारी प्राप्त गर्न सक्नेछन्।