काठमाडौं । सांग्रिला डेभलपमेन्ट बैंक लिमिटेड र सेन्ट लरेन्स कलेज, चाबहिल बीच सहकार्य सम्बन्धी औपचारिक सम्झौतामा आज हस्ताक्षर भएको छ। यस सम्झौताअन्तर्गत बैंकले सेन्ट लरेन्स कलेजका विद्यार्थीहरूलाई इन्टर्नसिप, बैंकिङ्ग प्रशिक्षण, र फिल्ड भिजिट जस्ता अवसरहरू प्रदान गर्नेछ।

यसैगरी, सांग्रिला डेभलपमेन्ट बैंकले आयोजना गर्ने विभिन्न कार्यक्रमहरूमा कलेजका विद्यार्थी र शिक्षकहरू सहभागी हुनेछन् भने, कलेजले आयोजना गर्ने “जब फेयर”, सेमिनार तथा अध्ययन सम्बन्धी कार्यक्रमहरूमा बैंकले सहयोग पुर्याउनेछ। यो सहकार्य कार्यक्रम २ वर्ष सम्म लागू हुनेछ।

सम्झौतामा सांग्रिला डेभलपमेन्ट बैंकका अपूर्व प्रसाद जोशी, प्रमुख सञ्चालन अधिकृत र सेन्ट लरेन्स कलेजका प्राचार्य डा. रमेश थापा ले हस्ताक्षर गरेका थिए। यस अवसरमा दुबै संस्थाका प्रतिनिधिहरूले यस साझेदारीबाट विद्यार्थीहरूलाई रोजगारीको अवसर बढाउन र बैंकिङ्ग क्षेत्रमा व्यावहारिक ज्ञान प्रदान गर्न मद्दत हुने विश्वास व्यक्त गरे।