काठमाडौं । लक्ष्मी सनराइज बैंकले चालु आर्थिक वर्ष २०८१/८२ को तेस्रो त्रैमाससम्ममा २.२४ प्रतिशतले वृद्धि गर्दै १ अर्ब ६५ करोड २१ लाख रुपैयाँ खुद नाफा आर्जन गरेको छ। गत वर्षको सोही अवधिमा बैंकले १ अर्ब ६१ करोड ५९ लाख रुपैयाँ नाफा गरेको थियो।

तर, सोही अवधिमा बैंकको खुद ब्याज आम्दानी भने ७.३१ प्रतिशतले घटेर ७ अर्ब ८९ करोड ३५ लाख रुपैयाँमा झरेको छ। गत वर्षको सोही अवधिमा यो आम्दानी ८ अर्ब ५१ करोड ५७ लाख रुपैयाँ रहेको थियो।

चैत मसान्तसम्ममा बैंकको सञ्चालन नाफा १३.३४ प्रतिशतले बढेर २ अर्ब ५२ करोड ९३ लाख रुपैयाँ पुगेको छ भने कुल सञ्चालन आम्दानी २.०८ प्रतिशतले घटेर १० अर्ब २४ करोड ५० लाख रुपैयाँमा सीमित भएको छ।

समीक्षा अवधिमा बैंकको वितरणयोग्य नाफा ७७ करोड २७ लाख रुपैयाँ रहेको छ। गत वर्षको फागुनमा बैंकको वितरणयोग्य नाफा ऋणात्मक १ अर्ब २४ करोड ८४ लाख रुपैयाँ थियो।

फागुन मसान्तसम्ममा बैंकको चुक्ता पुँजी २४ अर्ब ३४ करोड ६५ लाख रुपैयाँ पुगेको छ भने जगेडा कोष १०.५६ प्रतिशतले बढेर १७ अर्ब ७६ करोड ९५ लाख रुपैयाँ पुगेको छ।

बैंकको निक्षेप संकलन ९ महिनामा ४.६४ प्रतिशतले बढेर ३ खर्ब ४४ अर्ब २० करोड ३० लाख रुपैयाँ पुगेको छ। यस्तै, कर्जा लगानी ११.५८ प्रतिशतले वृद्धि भई २ खर्ब ७६ अर्ब ४ करोड ६१ लाख रुपैयाँमा पुगेको छ।

बैंकको प्रतिसेयर आम्दानी (ईपीएस) ९.०५ रुपैयाँ र प्रतिसेयर नेटवर्थ १७६.१६ रुपैयाँ रहेको छ। तर, खराब कर्जा (एनपीए) ५.८६ प्रतिशत पुगेको छ, जुन अघिल्लो वर्षको ५.४९ प्रतिशतभन्दा बढी हो।