सुर्खेत । क्रेस्ट माइक्रो लाइफ इन्स्योरेन्स लिमिटेडको दोस्रो वार्षिक साधारण सभा २०८२ जेठ २३ गते, शुक्रबार बिहान ११:०० बजे कम्पनीको रजिस्टर्ड कार्यालय, सुर्खेतमा सफलतापूर्वक सम्पन्न भएको छ।

सभाको प्रारम्भ प्रमुख कार्यकारी अधिकृत श्री प्रताप मान श्रेष्ठको स्वागत मन्तव्यबाट भएको थियो। उहाँले कम्पनीको हालसम्मको प्रगति तथा भावी योजनाहरूको संक्षिप्त जानकारी दिनुभयो।

त्यसपश्चात, संचालक समितिका अध्यक्ष श्री ऋषिराज मोरले आफ्नो मन्तव्य सहित कम्पनीको दोस्रो वार्षिक प्रतिवेदन प्रस्तुत गर्नुभएको थियो।

सभामा निम्न प्रस्तावहरू सर्वसम्मत रूपमा पारित गरिएका छन् :

•  संचालक समितिको प्रतिवेदन
•  लेखापरिक्षकको प्रतिवेदन
• २०८१ आषाढ मसान्तसम्मको वासलात
• आ.व. २०८०/८१ को नाफा/नोक्सान विवरण, नगद प्रवाह विवरण तथा अनुसूचीहरू
• आगामी आर्थिक वर्ष २०८१/८२ का लागि श्री JN Upadhyay & Co लाई लेखापरिक्षकको रूपमा नियुक्त

सभाले समूह “ख” अन्तर्गत सर्वसाधारण शेयरधनीहरूको तर्फबाट संचालक पदमा श्री ईश्वर लाल श्रेष्ठ र श्रीमती सुनिता महर्जनलाई निर्विरोध निर्वाचित गरेको छ।

सभाको समापनमा अध्यक्ष श्री मोरले नव निर्वाचित संचालकहरूलाई बधाई दिँदै सबै शेयरधनी, नियामक निकायका प्रतिनिधि तथा अतिथिहरूप्रति आभार प्रकट गर्नुभयो। साथै, उहाँले कम्पनीको दीर्घकालीन रणनीति र संस्थागत सुशासनमा प्रतिबद्धता व्यक्त गर्दै सभा विसर्जनको घोषणा गर्नुभयो।