काठमाडौं । मन्जुश्री फाइनान्स लिमिटेडले आफ्ना ग्राहकहरूको डिजिटल बैंकिङ्ग अनुभवलाई अझ सहज, सुरक्षित र प्रभावकारी बनाउने उद्देश्यका साथ ‘Insta Fund Transfer’ सेवा सुरु गरेको छ।

नवीनतम सेवा अन्तर्गत, मन्जुश्री फाइनान्सको मोबाइल बैंकिङ्ग एप ‘मन्जुश्री स्मार्ट’ प्रयोग गर्ने ग्राहकहरूले नेपाल क्लियरिङ्ग हाउस (NCHL) अन्तर्गतको राष्ट्रिय भुक्तानी प्रणाली (NPS) मा आबद्ध बैंक तथा वित्तीय संस्थाहरूमा निशुल्क अन्तरबैंक रकमान्तर (Fund Transfer) गर्न सक्नेछन्।

संस्थाले यस सेवामार्फत डिजिटल कारोबारलाई थप सरल बनाउँदै दैनिक वित्तीय व्यवहारमा सहजता ल्याउने लक्ष्य लिएको जनाएको छ।

हाल मन्जुश्री फाइनान्सले देशभर २७ वटा शाखा र १ विस्तारित काउन्टरमार्फत सेवा प्रदान गर्दै आएको छ। १ लाख ५० हजारभन्दा बढी सन्तुष्ट ग्राहक रहेको यस संस्थाले आफुलाई अग्रणी फाइनान्स कम्पनीको रूपमा स्थापित गर्न सफल भएको छ।

निक्षेपमा आकर्षक ब्याजदर र कर्जामा सुलभ सेवा उपलब्ध गराउँदै आएको मन्जुश्रीले आधुनिक डिजिटल प्रविधिको प्रभावकारी उपयोगमार्फत आफ्ना सेवाहरूलाई निरन्तर सुधार गर्दै लैजाने प्रतिबद्धता जनाएको छ।