ललितपुर, नेपाल काठमाडौं । नेपालका लागि दक्षिण अफ्रिकी गणतन्त्रात्मक राज्यका नवनियुक्त राजदूत महामहिम प्रा. अनिल सुकलाल तथा उहाँकी पत्नी डा. निलिस्त्र सुकलाल सिंहलाई विशेष स्वागत गरिएको छ। नेपालका मानार्थ वाणिज्यदूत श्री प्रदिप कुमार श्रेष्ठको आयोजनामा ललितपुरस्थित वाणिज्यदूत कार्यालयमा आयोजित एक कार्यक्रममा उक्त स्वागत गरिएको हो।

स्वागत कार्यक्रमको अवसरमा, दुवै मुलुकका प्रतिनिधिहरूबीच द्विपक्षीय सम्बन्धलाई थप सुदृढ बनाउने र व्यापारिक अवसरहरूको खोजी गर्ने विषयमा महत्वपूर्ण छलफल भएको थियो। साथै, नेपाल र दक्षिण अफ्रिकाबीच उच्चस्तरीय प्रतिनिधिमण्डल आदानप्रदान तथा अनुभव साझेदारीको सम्भावना सम्बन्धमा पनि विस्तृत छलफल गरिएको थियो।

उक्त कार्यक्रममा नेपाल–दक्षिण अफ्रिका सम्बन्धलाई भविष्यमा थप सुदृढ बनाउने आशा व्यक्त गरिएको थियो।