काठमाडौं । आई. एम. ई. लाइफले उत्कृष्ट अभिकर्तालाई आँखिझ्याल शैलीको अवार्ड प्रदान गर्दै सम्मानित गरेको छ।
आई. एम. ई. लाइफ इन्स्योरेन्सले आर्थिक वर्ष २०८१/८२ मा उत्कृष्ट व्यवसाय गर्ने कम्पनीमा आबद्ध अभिकर्ताहरूलाई पोखरामा आयोजित “Business Excellence Award Night 2025 (BEAN-2025)” मार्फत भव्य रूपमा सम्मान गरेको छ।

पोखरा ग्राण्डमा सम्पन्न उक्त समारोहमा कम्पनीका सञ्चालक समितिका सदस्यहरू, प्रमुख कार्यकारी अधिकृत श्री पवन कुमार खड्का, नव नियुक्त प्रमुख कार्यकारी अधिकृतहरू, चिफ मार्केटिङ अफिसरहरू, प्रदेश प्रमुखहरू तथा अन्य कर्मचारीहरूको उल्लेखनीय सहभागिता रहेको थियो।

कम्पनीका अभिकर्ताहरूको व्यवसायिक उत्कृष्टता, समर्पण र निरन्तरताको कदर स्वरूप आयोजना गरिएको यस विशेष कार्यक्रममा, स्वदेशी उद्योगलाई प्रवर्द्धन गर्ने उद्देश्यले नेपालमै निर्मित आँखिझ्याल शैलीका विशेष अवार्ड प्रदान गरिएको थियो।

कार्यक्रमको समापन गर्दै प्रमुख कार्यकारी अधिकृत श्री खड्काले कम्पनीले हासिल गरेका सफलता, सम्मान र अवार्डहरू अभिकर्ता तथा कर्मचारीहरूको निरन्तर सहकार्यको प्रतिफल भएको उल्लेख गर्दै भविष्यमा अझ प्रविधिमैत्री, बीमित र अभिकर्ता–केन्द्रित सेवाहरू सञ्चालन गरिने उद्घोष गरे।