एनआईसी एशिया बैंकका ग्राहकलाई फ्रन्टलाइन हस्पिटलका सेवामा १० प्रतिशत छुट
Tuesday Aug 05, 2025
वि.सं.२०८२ साउन २० मंगलवार १४:३७
काठमाडौं । एनआईसी एशिया बैंक लिमिटेडका ग्राहकले अब नोबल कलेज अफ हेल्थ एण्ड एजुकेसन फाउन्डेसन प्रा।लि। अन्तर्गत सञ्चालनमा रहेको फ्रन्टलाइन हस्पिटलका विभिन्न सेवा सुविधामा विशेष छुट पाउने भएका छन्।
बैंक र अस्पतालबीच भएको सम्झौता अनुसार, एनआईसी एशिया बैंकका ग्राहकहरुले पुरानो बानेश्वर, काठमाडौंमा अवस्थित फ्रन्टलाइन हस्पिटलका सेवा उपयोग गर्दा डिजिटल माध्यमबाट भुक्तानी गर्दा १० प्रतिशत छुट प्राप्त गर्न सक्नेछन्।
सम्झौतापत्रमा बैंकका तर्फबाट डिजिटल पेमेन्ट इकोसिस्टम प्रमुख बिमल लम्साल र अस्पतालका तर्फबाट क्लिनिकल प्रेसिडेन्ट डा। योगेश न्यौपानेले हस्ताक्षर गरेका हुन्।
छुट सुविधा लिन ग्राहकहरुले बैंकको डेबिट कार्ड, क्रेडिट कार्ड वा प्रिपेड कार्ड प्रयोग गरी वामोबैंकमार्फत भुक्तानी गर्नुपर्नेछ।
फ्रन्टलाइन हस्पिटलसँगको सहकार्यले ग्राहकलाई स्वास्थ्य सेवामा सहुलियत पुग्ने विश्वास बैंकले लिएको छ। साथै, यसले डिजिटल भुक्तानी सेवा प्रवर्द्धन गर्दै नगदरहित कारोबारतर्फको संक्रमणलाई थप बल पुर्याउने अपेक्षा गरिएको छ।
