काठमाडौंको भृकुटीमण्डपमा जारी नाइमा मोबिलिटी एक्सपोमा सिएफमोटोले आफ्ना दुई मोटरसाइकलमा विशेष छुट योजना ल्याएको छ। ऋषि ट्रेड सेन्टरका अनुसार, ५ लाख ५० हजार रुपैयाँ मूल्य पर्ने २५० एनके बुकिङ गर्ने ग्राहकले ६० हजार रुपैयाँ छुटसहित ४ लाख ९० हजारमा खरिद गर्न सक्नेछन्। त्यस्तै, ७ लाख ५ हजार पर्ने ३०० एनकेमा ५० हजार छुट दिई ६ लाख ५५ हजारमा बिक्री गरिनेछ।

यो अफर एक्सपोको अवधिभर मात्र लागू हुने र भोलिसम्म खरिद वा बुकिङ गर्न सकिने कम्पनीले जनाएको छ। एक्सपोमा नेकेड स्पोर्ट्स डिजाइनको ३०० एनकेसँगै कम्पनीले स्पोर्ट्स मोडल ४५० एसआर लन्च गरेको छ, जसको मूल्य १३ लाख ५० हजार तोकिएको छ।

बिक्री पछिको सेवामा विशेष ध्यान दिँदै सिएफमोटोले सर्भिस र स्पेयर पार्ट्स उपलब्धता सुनिश्चित गर्ने, साथै देशभरका मेकानिक्सलाई विशेष तालिम दिने कार्यक्रमलाई निरन्तरता दिइरहेको छ। कम्पनीको पोर्टफोलियोमा २५० एनके, ३०० एनके, ४५० एनके, ४५० एसआरएस, ४५० एमटी, ६७५ एनके, ६७५ एसआरएस र ८०० एमटी जस्ता मोडल समावेश छन्।