काठमाडौं । डिशहोमले आफ्नो भर्चुअल प्रिभिलेज कार्डमार्फत नेपालकै लोकप्रिय फास्ट–फूड चेन द बर्गर हाउस एण्ड क्रन्ची फ्राइड चिकेन सँग साझेदारी गरेको घोषणा गरेको छ। यस साझेदारीपछि सक्रिय डिशहोम ग्राहकहरूले देशभर रहेका १५८ वटै आउटलेटहरूमा फूड एण्ड बेभरेजमा १०% छुट पाउने भएका छन्।

ग्राहकहरूले छुट लिनका लागि माइ डिशहोम एप डाउनलोड गरी आफ्नो अकाउन्टबाट भर्चुअल प्रिभिलेज कार्ड देखाउनुपर्नेछ।

डिशहोमका सीईओ तारा मानन्धरका अनुसार, “यो साझेदारीले नेपालको मनपर्ने फास्ट–फूड गन्तव्यलाई ग्राहकहरूको दैनिक जीवनमा अझ मूल्य थप्ने हाम्रो प्रतिबद्धतासँग जोडेको छ।”

डिशहोमको भर्चुअल प्रिभिलेज कार्ड कार्यक्रममार्फत हालसम्म डाइनिङ, आतिथ्य, यात्रा र लाइफस्टाइल क्षेत्रका विभिन्न सेवामा छुट उपलब्ध छ भने कम्पनीले आगामी दिनमा थप ब्रान्डहरू यसमा समावेश गर्ने योजना बनाएको जनाएको छ।