हेटौंडा  । नेपाल तामाङ पत्रकार संघ, बागमती प्रदेश र मकवानपुर जिल्ला समितिको संयुक्त आयोजनामा ३१ औं तामाङ प्रसारण दिवस हेटौंडामा अन्तरक्रिया तथा पुरस्कार वितरण कार्यक्रमसहित मनाइएको छ।

बागमती प्रदेशका मुख्यमन्त्री ईन्द्रबहादुर बानियाँको प्रमुख आतिथ्यमा सम्पन्न कार्यक्रममा तामाङ पत्रकार संघ बागमती प्रदेशले स्थापना गरेको ‘आईतेसिं–बुद्धिमाया रुम्बा स्मृति तामाङ पत्रकारिता पुरस्कार’ र मकवानपुर जिल्ला शाखाले स्थापना गरेको ‘तामाङ पत्रकारिता पुरस्कार’ वितरण गरिएको थियो।

प्रदेश स्तरको पुरस्कार तामाङ डाजाङका प्रकाशक अर्जुनबहादुर तामाङलाई नगद रु १० हजार १ सय, दोसल्ला र सम्मानपत्रसहित प्रदान गरिएको थियो भने जिल्ला स्तरको पुरस्कार हेटौंडा सन्देश डटकमका पत्रकार भुवन घलानलाई नगद रु ५ हजारसहित सम्मानपत्र प्रदान गरिएको थियो।