काठमाडौं । नेपाल बैंक लिमिटेड र मकवानपुर जिल्लाको थाहा नगरपालिका–१३, बज्रबाराहीस्थित ओम अध्याय रिट्रिट प्रा.लि.बीच सेवामा लाग्ने शुल्कमा विशेष छुट दिने सम्बन्धी सम्झौता भएको छ।

सम्झौता अनुसार, नेपाल बैंकमा कार्यरत कर्मचारी, कर्मचारीका परिवारका सदस्य तथा बैंकमा खाता रहेका ग्राहकहरूले ओम अध्याय रिट्रिट प्रा.लि.को रिसोर्टमा उपलब्ध विभिन्न सेवामा बिल रकमको १० देखि १५ प्रतिशतसम्म छुट पाउने व्यवस्था गरिएको छ।

सम्झौता पत्रमा मिति २०८२ साल भदौ २ गते नेपाल बैंकको तर्फबाट सहायक प्रमुख कार्यकारी अधिकृत श्री प्रकाश कुमार अधिकारी र ओम अध्याय रिट्रिट प्रा.लि.का निर्देशक श्री सुजन अधिकारीले हस्ताक्षर गर्नुभएको हो।