काठमाडौं । राजधानीको भृकुटीमण्डपमा आजदेखि सुरु भएको नाडा अटो शो २०२५ मा टाटा इलेक्ट्रिक भेहिकल (ईभी) बुकिङ गर्ने ग्राहकहरूलाई लाइफ टाइम चार्जिङ निःशुल्क प्रदान गरिने घोषणा गरिएको छ। अटो शोमा बुकिङ गर्ने हरेक गाडीमा सधैं चार्जिङ निःशुल्क उपलब्ध हुनेछ।

नेपालमा टाटा ईभीको आधिकारिक विक्रेता सिप्रदी ट्रेडिङ प्रालि यसपटक अटो शोमा विशेष तयारीसहित सहभागी भएको छ। प्रदर्शनीमा टियागो ईभी, पन्च ईभी, नेक्सन के३ ईभी र कर्भ ईभी जस्ता लोकप्रिय विद्युतीय गाडीहरू प्रदर्शन गरिएको छ।

प्रदर्शनी अवधिभर टाटाले अन्य एक्सक्लुसिभ अफर, सजिलो फाइनान्स योजना, साथै विशेष उपहारहरू पनि उपलब्ध गराउने जनाएको छ। कम्पनीले भनेको छ, अटोप्रेमीहरूले प्रदर्शनीमै प्रत्यक्ष गाडी अवलोकन गर्न र तत्काल बुकिङ गर्ने अवसर पाउनेछन्। टाटाको स्टल नाडा अटो शो २०२५ मा प्रमुख आकर्षण बन्ने अपेक्षा गरिएको छ।