काठमाडौं – रिडारा नेपालले आफ्नो फ्ल्यागशिप इलेक्ट्रिक पिकअप रिडारा आरडी६ लाई नाडा अटो शो २०२५ मा प्रदर्शन गर्ने घोषणा गरेको छ। प्रदर्शनीको स्टल नम्बर बी५ मा राखिने यस पिकअपका लागि विशेष नाडा अफर पनि उपलब्ध गराइएको छ।

यस अफर अन्तर्गत रिडारा आरडी६ पिकअप अब केवल ९ लाख ९९ हजार रुपैयाँ डाउन पेमेन्टमै बुक गर्न सकिने कम्पनीले जनाएको छ। कम्पनीले भनेको छ, “यस दुर्लभ अवसरले ग्राहकहरुलाई नेपालको पहिलो उत्कृष्ट ईभी पिकअपको स्वामित्व लिन मात्र होइन, प्रिमियम सुविधा सहितको भविष्यको विद्युतीय मोबिलिटी अनुभव गर्ने मौका पनि प्रदान गर्नेछ।”

प्रदर्शनीमा अवलोकनकर्ताले उत्कृष्ट डिजाइन, शक्तिशाली प्रदर्शन, र अत्याधुनिक ईभी प्रविधि सहितको आरडी६लाई नजिकबाट अनुभव गर्ने अवसर पाउनेछन्। नेपालमा रिडाराका आधिकारिक वितरक सीजी मोटर्सले सम्पूर्ण अटोप्रेमी, ईभी उत्साही र साहसिक यात्रा प्रेमीहरुलाई स्टल नम्बर बी५ मा आमन्त्रण गरेको छ।