काठमाडौँ । मंगलबारदेखि राजधानीको भृकुटीमण्डपमा सुरु भएको नाडा अटो शो–२०२५ को दोस्रो दिन बुधबार पनि अवलोकनकर्ताको उत्साहजनक उपस्थिति रहेको छ ।

शोमा विभिन्न अटोमोबाइल कम्पनीहरूले नयाँ मोडलका गाडी, इलेक्ट्रिक भेहिकल (ईभी) र अत्याधुनिक प्रविधियुक्त सवारी साधन सार्वजनिक गरेका छन् । त्यसैबीच ‘उड्ने ट्याक्सी’ भने प्रदर्शनीको मुख्य आकर्षण बनेको छ । यसले दर्शकलाई निकै लोभ्याएको छ ।

चाडपर्वलाई लक्षित गरी आयोजित यो अटो शोमा अवलोकनकर्ताको भीड निरन्तर बढिरहेको आयोजकले जनाएको छ । प्रदर्शनी भदौ ८ गतेसम्म सञ्चालन हुने छ ।