काठमाडौं । एनआईसी एशिया बैंकका ग्राहकले अब कैलाली हस्पिटल प्रा.लि., धनगढीमा स्वास्थ्य उपचार गर्दा २० प्रतिशतसम्म छुट सुविधा पाउने भएका छन्। यस सम्बन्धमा बैंक र कैलाली हस्पिटलबीच विशेष सम्झौता सम्पन्न भएको हो।

सम्झौताअनुसार बैंकका ग्राहकले डिजिटल माध्यमबाट भुक्तानी गर्दा अस्पतालले उपलब्ध गराउने विभिन्न सेवामा छुट सुविधा उपभोग गर्न सक्नेछन्। यस अन्तर्गत ओपीडी, स्वास्थ्य परीक्षण प्याकेज, ल्याब परीक्षण, एक्स-रे, अल्ट्रासाउण्ड, डेन्टल, नेत्र, फिजियोथेरापी, ईसीजी, भिडियो एक्स-रे, सर्जरी सेवा लगायतमा छुट पाउने व्यवस्था गरिएको छ।

ग्राहकले यस सुविधाको लाभ लिन बैंकको डेबिट कार्ड, क्रेडिट कार्ड, प्रिपेड कार्ड वा मोबैंक एप प्रयोग गरी भुक्तानी गर्नुपर्नेछ।

बैंकले यस सहकार्यले आफ्ना ग्राहकलाई स्वास्थ्य उपचारमा विशेष सहयोग पुर्‍याउनुका साथै देशभर डिजिटल भुक्तानी सेवाको प्रवर्द्धन र नगदरहित कारोबारलाई प्रोत्साहन गर्ने विश्वास व्यक्त गरेको छ।