काठमाडौं । एनआईसी एशिया बैंकका ग्राहक महानुभावहरूले देशका विभिन्न स्थानमा सञ्चालनमा रहेका रिसोर्टहरूमा विशेष छुट सुविधा पाउने भएका छन्। यस सम्बन्धमा बैंक र सो रिसोर्टबीच सम्झौता सम्पन्न भएको हो।

सम्झौताअनुसार, बैंकका ग्राहकहरूले डिजिटल भुक्तानी गर्दा खाना तथा पेय पदार्थमा १० प्रतिशत र आवास सेवामा १५ प्रतिशतसम्म छुट प्राप्त गर्न सक्नेछन्। यो सुविधा पोखरा, तनहुँ, काठमाडौं, भैरहवा, भरतपुर र चितवनमा रहेका रिसोर्टहरूमा लागू हुने बैंकले जनाएको छ।

ग्राहकहरूले यो सुविधा लिन बैंकको डेबिट कार्ड, क्रेडिट कार्ड, प्रिपेड कार्ड वा मोबैंक एपमार्फत भुक्तानी गर्नुपर्नेछ। बैंकले यो सहकार्यले ग्राहकलाई छुटको लाभ मात्र नभई मुलुकमा डिजिटल भुक्तानी प्रवर्द्धन र नगदरहित कारोबार विस्तारमा योगदान पुर्‍याउने विश्वास व्यक्त गरेको छ।