काठमाडौं । आई.एम.ई. लाइफ इन्स्योरेन्स कम्पनी लिमिटेडले आफ्नो ८औं वार्षिकोत्सवको अवसरमा मैत्रीपूर्ण फुटसल प्रतियोगिता सम्पन्न गरेको छ। “खेलकुदमार्फत स्वास्थ्य, एकता र ऊर्जा” भन्ने नाराका साथ आयोजित उक्त प्रतियोगितामा कर्पोरेट कार्यालय, शाखा कार्यालय तथा व्यवस्थापन समूहका कर्मचारीहरूको उत्साहजनक सहभागिता रहेको कम्पनीले जनाएको छ।

प्रतियोगिताको उद्देश्य कर्मचारीबीच आपसी समन्वय, टीमवर्क र स्वस्थ प्रतिस्पर्धाको भावना विकास गर्नुका साथै कार्यस्थलमा ऊर्जा र उत्साह थप्नु रहेको थियो। कार्यक्रममा उत्कृष्ट खेलाडी, गोलरक्षक तथा शीर्ष गोलकर्तालाई पुरस्कार प्रदान गरिएको थियो।

समापन समारोहमा प्रमुख कार्यकारी अधिकृत श्री पवनकुमार खड्काले खेलकुद केवल मनोरञ्जन नभई टिम भावना, आत्मविश्वास र स्वास्थ्य सुदृढ बनाउन सहयोग गर्ने बताए।