काठमाडौं । हालै सम्पन्न दुई ठूला अटो शो, ‘नाडा अटो शो–२०२५’ र ‘नाइमा नेपाल मोबिलिटी एक्स्पो’मा एलएस अटोले उल्लेखनीय सफलता हासिल गरेको छ। बिक्रेता कम्पनी नेक्सन भेन्चरका अनुसार यी दुबै अटो शोबाट जम्मा ८८ वटा गाडी बुकिङ भएका छन्।

भृकुटीमण्डपमा आयोजित ‘नाडा अटो शो–२०२५’ भदौ ३ देखि ८ गतेसम्म र साउन २१ देखि २६ गतेसम्म चलेको ‘नाइमा नेपाल मोबिलिटी एक्स्पो’मा सहभागी बनेको एलएस अटोले नाडामा ५१ र नाइमामा ३७ गाडीको बुकिङ गरेको कम्पनीले जनाएको छ।

कम्पनीका महाप्रबन्धक नवीन फुयाँलका अनुसार छोटो समयमा प्राप्त भएको यस किसिमको सफलता अपेक्षा भन्दा राम्रो उपलब्धि हो। उनले भने, “यी दुई शोको आयोजना अवधिभर हाम्रो स्टलमा अवलोकनकर्ताको उत्साहपूर्ण सहभागिता रह्यो। यो ब्रान्ड नेपाली बजारमा प्रवेश गरेको धेरै समय भएको छैन, तर उपभोक्ताको रोजाइमा परेको देख्दा हामी अत्यन्त उत्साहित छौं।”

उनी भन्छन्, “एलएस अटोको स्मार्ट डिजाइन, अत्याधुनिक फिचर र उचित मूल्यका कारण ग्राहकहरू आकर्षित भएका छन्। विशेषगरी हाम्रो एलईभी–०१ ईभी मोडेल उपभोक्तामाझ निकै लोकप्रिय बन्दै गएको छ। हामीले देखेको ग्राहकको माया र विश्वासलाई निरन्तरता दिँदै दशैं–तिहारलाई लक्षित गर्दै नयाँ अफर सार्वजनिक गर्ने तयारीमा छौं।”

फुयाँलले स्टलमा उपस्थित भइ सहयोग गर्ने सबैलाई धन्यवाद दिंदै आगामी दिनमा एलएस अटो उपभोक्ताको प्राथमिक रोजाइमा पर्ने विश्वास व्यक्त गरे। लग्जरी अनुभव चाहने तर उचित मूल्यमा गाडी खोज्नेका लागि एलएस अटो उत्तम विकल्प रहेको उनको भनाइ छ।

नेपाली अटो बजारमा हालसालै प्रवेश गरेको एलएस अटोले छोटो अवधिमै गरेको यो उपलब्धि आगामी दिनमा इलेक्ट्रिक भेहिकल (ईभी) बजार विस्तारतर्फको सकारात्मक संकेतका रूपमा पनि हेरिएको छ।