काठमाडौं। आईएमई लाइफ इन्स्योरेन्स कम्पनी लिमिटेडले आफ्ना बीमित, अभिकर्ता तथा कर्मचारीहरूलाई स्वास्थ्य उपचारमा विशेष सुविधा उपलब्ध गराउने उद्देश्यले ग्राण्डि हस्पिटलसँग सम्झौता गरेको छ। आईएमई लाइफ इन्स्योरेन्स कम्पनी र ग्राण्डि हस्पिटलबीच हालै सम्पन्न भएको सम्झौताअनुसार अबदेखि कम्पनीका बीमित, अभिकर्ता तथा कर्मचारीहरूले ग्राण्डि हस्पिटलमा उपचार गराउँदा १० प्रतिशतसम्म छुट प्राप्त गर्नेछन्।

सम्झौताअनुसार बीमितहरूले कम्पनीको मोबाइल एप ‘IME LIFE Mobile App’ मार्फत उपलब्ध प्रिभिलेज कार्ड देखाएर छुट सुविधा लिन सक्नेछन् भने, कम्पनीका अभिकर्ता तथा कर्मचारीहरूले आफ्नो आधिकारिक परिचयपत्र पेश गरी उक्त छुटको लाभ उठाउन सक्नेछन्। यसबाहेक, ग्राण्डि हस्पिटलले आईएमई लाइफ इन्स्योरेन्ससँग आबद्ध व्यक्तिहरूलाई विभिन्न वेलनेस प्याकेजमा पनि विशेष सहुलियत दिने भएको छ।

सम्झौता हस्ताक्षर कार्यक्रमका क्रममा दुवै संस्थाका प्रतिनिधिहरूले स्वास्थ्य सेवा सहज र किफायती बनाउन यो सहकार्य महत्वपूर्ण कदम हुनेमा विश्वास व्यक्त गरेका छन्। यस सुविधासम्बन्धी सम्पर्क विवरण तथा थप जानकारी आईएमई लाइफ इन्स्योरेन्सको आधिकारिक वेबसाइटमा (https://imelifeinsurance.com/press-release/) राखिएको छ।