काठमाडौं । आजको विशेष दिन गणेश चतुर्थीको पावन अवसरमा “सुपर मेलम्ची जलविद्युत् परियोजना” (२३.६ मेगावाट) को वित्तीय व्यवस्थापन सम्झौतामा हस्ताक्षर गर्ने ऐतिहासिक कार्यक्रम सम्पन्न भएको छ ।

यो परियोजनाको नेतृत्व श्रद्देय मित्र विशाल पण्डितज्यूले गर्नुभएको छ । उहाँको दूरदृष्टि, प्रतिबद्धता र नेतृत्व क्षमताको परिणामस्वरूप परियोजना अब कार्यान्वयनतर्फ अघि बढेको छ ।

सम्झौतामा कृषि विकास बैंक, माछापुच्छ्रे बैंक र साङ्ग्रिला विकास बैंक बीच सहकार्य भएको छ, जसले नेपालको ऊर्जा क्षेत्रमा थप सहकार्य र लगानीको वातावरण बलियो भएको सन्देश दिएको छ ।

२३.६ मेगावाट क्षमताको यो जलविद्युत् आयोजना केवल बिजुली उत्पादन मात्र नभई स्थानीय रोजगारी, पूर्वाधार विकास र आर्थिक समृद्धिमा माइलस्टोन बन्ने अपेक्षा गरिएको छ ।

कार्यक्रममा बोल्ने क्रममा सरोकारवालाहरूले नेपालका जलस्रोतलाई दिगो र सबल बनाउन यस्तो परियोजनाको आवश्यकता र महत्वबारे जोड दिएका थिए ।

सुपर मेलम्ची जलविद्युत् परियोजना कार्यान्वयनमा जानुका साथै नेपालमा निजी क्षेत्र, वित्तीय संस्थाहरू र प्रविधिक नेतृत्वको सफल संयोजनले ऊर्जा क्षेत्रलाई नयाँ उचाइमा पुर्‍याउने विश्वास गरिएको छ ।

यस ऐतिहासिक सम्झौताले नेपालको स्वच्छ उर्जा अभियानलाई थप बल मिल्नेछ भन्नेमा सबै सरोकारवालाहरू आशावादी छन् ।