काठमाडौं । रिलायवल नेपाल लाइफ इन्स्योरेन्स लिमिटेडले जीवन बीमा कारोबार शुरु गरेको ८ वर्ष पुरा गरी नवौं वर्षमा प्रवेश गरेको अवसरमा विभिन्न कार्यक्रमहरु सम्पन्न गरेको छ । कम्पनीले हालसम्म करिब ७० लाख बीमितको विश्वास हासिल गरेको छ भने नियामक निकाय, रिलायवल एडभाइजर, शेयरधनी, कर्मचारी, पत्रकार तथा सरोकारवालाप्रति आभार व्यक्त गरेको छ ।

गत आर्थिक वर्षमा कम्पनीले ५७ करोड नाफा आर्जन गरेको छ । साथै नेपाल बीमा प्राधिकरणले तोकेको न्यूनतम चुक्ता पूँजी पूरा गर्दै कम्पनीको चुक्ता पूँजी रु. ५ अर्ब १९ करोड पुगेको छ । कम्पनीको कुल लगानी गत आवको अन्त्यमा रु. २० अर्ब नजिक पुगेको छ भने सो अवधिमा रु. १ अर्ब ४३ करोड दाबी भुक्तानी गरेको छ ।

आठौं वार्षिकोत्सवको अवसरमा केन्द्रीय कार्यालय, काठमाडौंमा प्रभातफेरी तथा देशभरका शाखाहरुमा रक्तदान, स्वास्थ्य शिविर, वृक्षारोपण, शैक्षिक तथा खाद्यान्न वितरण लगायतका सामाजिक उत्तरदायित्व मूलक गतिविधि सम्पन्न गरिएको कम्पनीले जनाएको छ ।