सिद्धार्थ बैंकका ग्राहकलाई पोखरास्थित हिमालयन फ्रन्ट होटलमा २०प्रतिशत सम्म छुट
Monday Sep 01, 2025
वि.सं.२०८२ भदौ १६ सोमवार २२:२४
काठमाडौं । सिद्धार्थ बैंक र हिमालयन फ्रन्ट होटेल प्रा. लि. बीच बैंकका ग्राहकहरूलाई विशेष छुट उपलब्ध गराउने सम्बन्धी सम्झौता सम्पन्न भएको छ।
सम्झौता अनुसार, पोखरा स्थित हिमालयन फ्रन्ट होटलमा सिद्धार्थ बैंकका ग्राहकहरूले आफ्नो बैंक कार्ड वा मोबाइल बैंकिङ प्रयोग गरी भुक्तानी गर्दा २०% सम्म छुट प्राप्त गर्ने सुविधा पाउनेछन्।
यस पहलले ग्राहकहरूलाई आकर्षक छुट प्रदान गर्नुका साथै नगद कारोबारलाई डिजिटल कारोबारतर्फ प्रोत्साहन गर्ने अपेक्षा बैंकले व्यक्त गरेको छ।
यस सम्झौता तथा सुविधासम्बन्धी थप जानकारीका लागि बैंकको २४ घण्टा सञ्चालन हुने ग्राहक सेवा केन्द्र ‘सिद्धार्थ केयर’ मा सम्पर्क गर्न सकिन्छ।
