काठमाडौं । सनराइज होल्डिङ्गस् लिमिटेडले सर्वसाधारणका लागि साधारण शेयर (आईपीओ) निष्काशन गर्ने भएको छ। यसका लागि कम्पनीले निष्काशन तथा बिक्री प्रबन्धकमा लक्ष्मी सन्राइज क्यापिटल लिमिटेडलाई नियुक्त गरेको छ।

सम्झौतामा लक्ष्मी सन्राइज क्यापिटल लिमिटेडका प्रमुख कार्यकारी अधिकृत श्री बिजय लाल श्रेष्ठ र सनराइज होल्डिङ्गस् लिमिटेडका प्रमुख कार्यकारी अधिकृत श्री बिकास सिलवालले हस्ताक्षर गरेका छन्।

कम्पनीले प्रतिकित्ता रु. १०० अंकित दरका २४,००,००० कित्ता साधारण शेयर जारी गर्नेछ। यसमार्फत कुल रु. २४ करोड बराबरको पूँजी संकलन हुनेछ।

२०७१ सालमा स्थापित सनराइज होल्डिङ्गस् लिमिटेड जलविद्युत, यातायात, पर्यटन र कृषि क्षेत्रमा लगानी गर्दै आएको एक नेपाली लगानी कम्पनी हो। कम्पनीले निकट भविष्यमा उच्च प्रतिफल दिने क्षेत्रमा लगानी विस्तार गर्ने उद्देश्यले सर्वसाधारणका लागि साधारण शेयर जारी गर्न लागेको जनाएको छ।