काठमाडौं । सिद्धार्थ बैंक र वाटरफ्रन्ट रिसोर्ट प्रा.लि.बीच सम्झौता भई अब बैंकका ग्राहकले पोखराको लेकसाइडस्थित रिसोर्टमा विशेष छुट पाउने भएका छन् ।

सम्झौता अनुसार, बैंकका ग्राहकहरूले सिद्धार्थ बैंकको कार्ड वा मोबाइल बैंकिङ प्रयोग गरी भुक्तानी गर्दा रिसोर्टमा उपलब्ध विभिन्न सेवामा २०% सम्म छुट प्राप्त गर्नेछन् ।

बैंकले यस सहकार्यमार्फत ग्राहकलाई छुटको सुविधा उपलब्ध गराउनुका साथै नगद कारोबारलाई डिजिटल कारोबारतर्फ अभिमुख गराउने विश्वास व्यक्त गरेको छ ।

यस सम्बन्धी थप जानकारीका लागि ग्राहकले २४ घण्टा सञ्चालनमा रहने ग्राहक सेवा केन्द्र ‘सिद्धार्थ केयर’ मा सम्पर्क गर्न सक्ने व्यवस्था गरिएको बैंकले जनाएको छ ।