काठमाडौ । सांग्रिला डेभलपमेन्ट बैंकले प्रहरी वृत्त दरबारमार्गलाई दुई थान कम्प्युटर र एउटा स्क्यानर तथा फोटोकपीसहितको प्रिन्टर (थ्री इन वान) मेसिन सहयोग गरेको छ ।

केही दिनअघि आन्दोलनका क्रममा भएको आगजनीमा प्रहरी वृत्तको कार्यालय ध्वस्त भएपछि कार्य सञ्चालनमा सहजता पुगोस् भन्ने उद्देश्यसहित बैंकले आफ्नो संस्थागत सामाजिक उत्तरदायित्व (CSR) अन्तर्गत सहयोग गरेको हो ।

बैंकका प्रमुख सञ्चालन अधिकृत अपूर्व प्रसाद जोशीले मंगलबार वृत्तका इन्चार्ज प्रहरी नायव उपरीक्षक (डीएसपी) राजकुमार श्रेष्ठलाई सहयोग सामग्री हस्तान्तरण गर्नुभयो ।

सहयोग ग्रहण गर्दै डीएसपी श्रेष्ठले यस्तो सहयोगले कार्यालय सञ्चालनमा केही सहजता पुगे पनि क्षति ठूलो भएकाले अझै धेरै सहयोग आवश्यक रहेको बताए ।

हाल सांग्रिला डेभलपमेन्ट बैंकले १०९ शाखा कार्यालय र ३० वटा एटीएममार्फत सेवा प्रवाह गर्दै आएको छ । संस्थागत सुशासन, जोखिम व्यवस्थापन र आन्तरिक नियन्त्रण प्रणालीको उत्कृष्ट अभ्यासलाई पालना गर्दै आएको बैंकले आगामी दिनमा सेवालाई अझ विस्तार गर्दै लैजाने प्रतिवद्धता जनाएको छ ।