काठमाडौं । “विश्व नैतिकता दिवस” को अवसरमा नेपाल एसबिआई बैंक लिमिटेडका कर्मचारीहरूले आफ्नो दैनिक कार्य अभ्यासमा इमानदारी, पारदर्शिता र नैतिक मापदण्डहरू कायम राख्ने प्रतिबद्धता व्यक्त गर्दै प्रतिज्ञा गरेका छन् ।

प्रधान कार्यालय, काठमाडौंमा आयोजित कार्यक्रममा बैंकका प्रबन्ध निर्देशक तथा प्रमुख कार्यकारी अधिकृत श्री राम कुमार तिवारीले सम्पूर्ण कर्मचारीहरूलाई प्रतिज्ञा गराएका थिए । उक्त अवसरमा बैंकका नायब प्रमुख कार्यकारी अधिकृत तथा प्रमुख सञ्चालन अधिकृत श्री विकास आनन्द, प्रमुख वित्तीय अधिकृत श्री राजेश कुमार पंडा, प्रमुख अनुपालन अधिकृत श्री विष्णुदेव यादव, सहायक महाप्रबन्धक श्री अर्जुन नेपालसहित अन्य वरिष्ठ पदाधिकारीहरूको उपस्थिति रहेको थियो ।

यस्तै, बैंकका प्रदेश तथा शाखा कार्यालयका कर्मचारीहरूले पनि आ–आफ्ना कार्यस्थलमा नैतिक आचरण र जवाफदेहिता प्रवर्द्धन गर्ने प्रतिज्ञा लिएका थिए ।

नेपाल एसबिआई बैंक लिमिटेडले गत ३२ वर्षदेखि बैंकिङ सेवा प्रदान गर्दै आएको छ । हाल बैंकका १०१ शाखा, २२ एक्स्टेन्सन काउन्टर, २० शाखारहित बैंकिङ, ७ प्रादेशिक कार्यालय, १२७ एटिएम र १ कर्पोरेट कार्यालय सञ्चालनमा रहेका छन् ।