काठमाडौँ । सिद्धार्थ बैंक लिमिटेडको चौबिसौं वार्षिक साधारण सभा आइतबार काठमाडौंको भद्रकालीस्थित आर्मी अफिसर्स क्लबमा बैंकका अध्यक्ष श्री राहुल अग्रवालको अध्यक्षतामा सम्पन्न भएको छ।

सभाले बैंकको हाल कायम चुक्ता पूँजी रु. १४,०८,९९,८०,१९० मा आधारित रहेर ५ प्रतिशत बोनस शेयर र ५.५३ प्रतिशत नगद लाभांश वितरण गर्ने निर्णय गरेको छ। त्यसैगरी, आर्थिक वर्ष २०८१/८२ को सञ्चालक समितिको वार्षिक प्रतिवेदन, लेखापरीक्षकको प्रतिवेदन, वित्तीय विवरण, नाफा–नोक्सान विवरण, नगद प्रवाह विवरण, र स्व–पूँजी परिवर्तन विवरण पारित गरिएको छ। सभाले आगामी वर्षका लागि बाह्य लेखापरीक्षक नियुक्ति र उनीहरूको पारिश्रमिक तोक्ने निर्णय समेत अनुमोदन गरेको छ।