काठमाडौं । नेशनल इन्स्योरेन्स कम्पनीले आर्थिक वर्ष २०८२/८३ को पहिलो त्रैमाससम्मको अपरिष्कृत वित्तीय विवरण सार्वजनिक गरेको छ। कम्पनीले चालु त्रैमासमा ३ करोड ८१ लाख रुपैयाँ नाफा कमाएको छ, जुन अघिल्लो वर्ष सोही अवधिमा १८ करोड ३ लाख रुपैयाँ घाटामा रहेको थियो।

समीक्षा अवधिमा कम्पनीको स्पेसल रिजर्भ १ अर्ब ४७ करोड ४९ लाख रुपैयाँ रहेको छ भने अन्य इक्विटीमा ३८ करोड ३२ लाख, र महाविपत्ती कोषमा ३ करोड ३७ लाख रुपैयाँ सञ्चिति रहेको छ।

कम्पनीले यस त्रैमासमा कुल बीमाशुल्क १८ करोड ६२ लाख रुपैयाँ आर्जन गरेको छ। अघिल्लो वर्षको सोही अवधिमा यो रकम २० करोड २० लाख रुपैयाँ थियो। खुद बीमाशुल्क ९ करोड १४ लाख रुपैयाँ पुगेको छ, जुन अघिल्लो वर्षको ११ करोड ७ लाखको तुलनामा घटेको हो।

विश्लेषकहरूले नेशनल इन्स्योरेन्सको नाफामा आएको सुधारलाई सकारात्मक संकेतको रूपमा लिएको बताएका छन्, तर बीमाशुल्कमा आएको घटबढलाई निरन्तर निगरानी आवश्यक रहेको बताएका छन्।