काठमाडौं । रिलायबल नेपाल लाइफ इन्स्योरेन्सले आर्थिक वर्ष २०८२/८३ को पहिलो त्रैमासको अपरिष्कृत वित्तीय विवरण सार्वजनिक गरेको छ। कम्पनीले चालु त्रैमासमा २५ करोड ८५ लाख रुपैयाँ नाफा आर्जन गरेको छ, जुन अघिल्लो वर्षको १९ करोड ९३ लाखको तुलनामा २९.६५ प्रतिशतले बढी हो।

समीक्षा अवधिसम्म कम्पनीको महाविपत्ति कोषमा २५ करोड ५६ लाख, रिटेन्ड अर्निङमा १ अर्ब ११ करोड ६६ लाख, र अन्य इक्विटीमा ५ करोड ७६ लाख रुपैयाँ रहेको छ। अघिल्लो वर्ष यही अवधिसम्म यी रकम क्रमशः २२ करोड ९७ लाख, ८८ करोड ७९ लाख, र ४ करोड ४ लाख थिए।

चालु वर्षको असोजसम्म जीवन बीमा कोषमा १४ अर्ब ३१ करोड २३ लाख रुपैयाँ पुगेको छ, अघिल्लो वर्ष यही अवधिसम्म यो रकम १० अर्ब ८३ करोड ५ लाख थियो। कुल बीमाशुल्क १ अर्ब ५१ करोड ३७ लाख र खुद बीमाशुल्क १ अर्ब ४२ करोड ९४ लाख रुपैयाँ पुगेको छ, जुन अघिल्लो वर्षको १ अर्ब २० करोड ८० लाख (कुल) र १ अर्ब १२ करोड १३ लाख (खुद) को तुलनामा वृद्धि हो।

कम्पनीको सेयरपुँजी ५ अर्ब १९ करोड ६८ लाख रहेको छ। वार्षिकीकृत प्रतिसेयर आम्दानी (ईपीएस) बढेर १९.९० रुपैयाँ कायम भएको छ, अघिल्लो वर्ष ईपीएस १७.१९ रुपैयाँ थियो। प्रतिसेयर नेटवर्थ १५४.२९ रुपैयाँ रहेको छ।