काठमाडौं । सगरमाथा लुम्बिनी इन्स्योरेन्स कम्पनीले आर्थिक वर्ष २०८२/८३ को पहिलो त्रैमासको वित्तीय विवरण प्रकाशित गरेको छ। विवरण अनुसार कम्पनीको नाफा ऋणात्मक रहेको छ, तर अधिकांश वित्तीय सूचकहरुमा वृद्धि देखिएको छ।

कम्पनीको चुक्ता पूँजी २ अर्ब ६२ करोड रुपैयाँ रहेको छ। समीक्षा अवधिसम्म स्पेसल रिजर्भ २ अर्ब ५५ करोड, महाविपत्ती कोष २३ करोड ७६ लाख, र अन्य इक्विटी ४३ करोड ३४ लाख रुपैयाँ रहेको छ। समीक्षा अवधिसम्म कम्पनीले कुल बीमाशुल्क १ अर्ब २६ करोड १७ लाख रुपैयाँ आर्जन गरेको छ, जुन अघिल्लो वर्षको ७७ करोड ८० लाख रुपैयाँको तुलनामा ६२ प्रतिशतले बढी हो। खुद बीमाशुल्क ६२ करोड ११ लाख रुपैयाँ पुगेको छ।

यस अवधिमा कम्पनी २६ करोड ७३ लाख रुपैयाँ घाटामा रहेको छ, अघिल्लो वर्षको सोही अवधिमा घाटा ८ करोड ९५ लाख रुपैयाँ थियो। प्रतिसेयर आम्दानी ऋणात्मक ४० रुपैयाँ ७८ पैसा रहेको छ भने प्रतिसेयर नेटवर्थ २२९ रुपैयाँ ४८ पैसा कायम भएको छ।

विश्लेषकहरूले नाफा ऋणात्मक भए पनि बीमाशुल्कमा आएको उल्लेखनीय वृद्धिलाई सकारात्मक संकेतको रूपमा लिएको बताएका छन्।