काठमाडौं । महालक्ष्मी विकास बैंक लिमिटेडले आफ्ना ग्राहकलाई थप सुविधामूलक सेवा उपलब्ध गराउने उद्देश्यसहित अरेबिका कफी र क्याफियोफिलिया कफीसँग सहकार्य गर्दै विशेष छुट सुविधा सुरु गरेको छ।

कफी पारखीहरूलाई लक्षित गर्दै गरिएको यस सहकार्यअनुसार बैंकका डेबिट कार्ड, क्रेडिट कार्ड तथा मोबाइल बैंकिङ प्रयोग गर्ने ग्राहकले अरेबिका कफीका दरबारमार्ग, बौद्ध, बानेश्वर, राधे राधे (भक्तपुर), यूएन पार्क (ललितपुर), मानभवन, कालीमाटी, बुढानिलकण्ठ र भैंसेपाटी शाखाबाट सेवा लिँदा १५ प्रतिशतसम्म छुट पाउनेछन्।

छुट दरअनुसार कफी तथा तातोपेयमा १०% र इटालियन खानामा १५% छुट लागू हुनेछ।

त्यस्तै, बैंकका ग्राहकले क्याफियोफिलिया (भैंसेपाटी) मा बेकरी बाहेकका सेवामा १० प्रतिशतसम्म छुट प्राप्त गर्न सक्नेछन्। बैंकले यो सहकार्यबाट कार्ड तथा मोबाइल बैंकिङ प्रयोगकर्ता ग्राहक प्रत्यक्ष लाभान्वित हुने विश्वास व्यक्त गरेको छ।

यसअघि, बैंकले आफ्ना क्रेडिट कार्ड धारकका लागि विभिन्न ट्राभल एजेन्सीमार्फत टुर प्याकेज खरिद गर्दा कार्ड प्रयोग गर्न सकिने व्यवस्था सुरु गरेको थियो। यस योजनाअन्तर्गत ग्राहकले खरिद गरेको टुर प्याकेजको मूल्य बराबरको रकम ६ देखि १२ महिनासम्म लचिलो किस्ताबन्दीमा तिर्न सक्ने सुविधा पनि प्रदान गरिएको छ।