काठमाडौं । नेपालका लागि होन्डा गाडीको आधिकारिक बिक्रेता स्याकार ट्रेडिङ्ग कम्पनी प्रा.लि.ले नेपाली बजारमा ‘होन्डा अल न्यु सीआर–भी’ को औपचारिक बिक्री वितरण सुरु गरेको छ। ग्राहकहरूको बढ्दो चाहना र अपेक्षालाई मध्यनजर गर्दै कम्पनीले नयाँ पुस्ताको यो प्रिमियम एसयूभी नेपाली उपभोक्ताका लागि उपलब्ध गराएको हो।

कम्पनीका अनुसार ‘होन्डा अल न्यु सीआर–भी’ मा अत्याधुनिक प्रविधि, शक्तिशाली प्रदर्शन र लक्जरी सुविधाहरूको संयोजन गरिएको छ। यसमा जडान गरिएको १.५ लिटर पेट्रोल टर्बो इन्जिनले शक्तिशाली ड्राइभिङ अनुभव प्रदान गर्छ। इन्टेरियरमा वेलकम सिट, फुल एलइडी लाइट तथा पानोरामिक सनरुफ जस्ता फिचर्सले गाडीलाई अझ प्रिमियम बनाएको छ।

चालक तथा यात्रुको स्वास्थ्य सुरक्षालाई ध्यानमा राख्दै यसमा प्लाज्मा क्लस्टर प्रविधि जडान गरिएको छ। साथै, १० थान एयरब्यागले यात्रा अझ सुरक्षित बनाउँछ। २१० एमएम ग्राउन्ड क्लियरेन्स भएकाले कच्ची तथा उकाली–ओराली सडकमा समेत सहजै सञ्चालन गर्न सकिने कम्पनीको दाबी छ।

यसमा १०.२ इन्चको टिएफटी टच डिस्प्ले, ड्राइभर मेमोरी सिट, तथा १२ वटा बोस प्रिमियम स्पिकर्स जस्ता अत्याधुनिक ‘प्रिमियम फिचर्स’ रहेका छन्। सुरक्षा पक्षमा यसमा समावेश गरिएको अडास लेवल २ ले ड्राइभिङलाई थप सुरक्षित बनाउँछ।

७ सिटर क्षमतामा उपलब्ध ‘होन्डा अल न्यु सीआर–भी’ ठूलो परिवारका लागि उपयुक्त विकल्पका रूपमा बजारमा आएको कम्पनीले जनाएको छ। शक्तिशाली इन्जिन, उत्कृष्ट सस्पेन्सन र आकर्षक डिजाइनका कारण नेपाली सडकमा ‘पर्फेक्ट राइड’ को अनुभव दिने कम्पनीको विश्वास छ।

यो मोडेल कालो (ब्ल्याक), सेतो (ह्वाइट), निलो (ब्लु) र सिल्भर गरी चार आकर्षक रङमा उपलब्ध हुनेछ। गाडीको अनुभव लिन तथा ‘टेस्ट राइड’ गर्न इच्छुक उपभोक्ताले ललितपुरको धोबिघाटस्थित होन्डाको आधिकारिक शोरूममा सम्पर्क गर्न सक्ने कम्पनीले जानकारी दिएको छ।