काठमाडौं । सप्तकोशी सिमेन्टले सर्वसाधारणका लागि प्राथमिक शेयर (आईपीओ) निष्कासन गर्ने तयारी थालेको छ। कम्पनीले आईपीओ निष्कासन तथा बिक्री प्रबन्धकका रूपमा सिद्धार्थ क्यापिटललाई नियुक्त गरेको हो। त्रिपुरेश्वरस्थित कार्यालयमा सप्तकोशी सिमेन्टका अध्यक्ष मोना जालान र सिद्धार्थ क्यापिटलका प्रमुख कार्यकारी अधिकृत सन्दिप कार्कीबीच सम्झौतापत्रमा हस्ताक्षर भएको छ।

कम्पनीले कुल चुक्ता पूँजीको २० प्रतिशत सेयर सर्वसाधारणका लागि अंकित मूल्य रु १०० मा निष्कासन गर्ने योजना बनाएको छ।

उद्योगको दैनिक उत्पादन क्षमता ६०० टन रहेको छ र कम्पनीले नेपाल गुणस्तर मापदण्ड अनुसार PPC 43 तथा OPC 53 ग्रेडको सिमेन्ट उत्पादन गर्दै आएको छ।
सन् 2019 देखि कम्पनीले निरन्तर नाफामै उत्पादन तथा बिक्री गर्दै आएको छ।

आर्थिक वर्ष २०८१/८२ मा कम्पनीले अघिल्लो वर्षभन्दा २७% बढी बिक्री गरेको छ। त्यस्तै, यसै नाफाबाट कम्पनीले १२% बोनस सेयर पनि वितरण गरेको छ।

आगामी आईपीओबाट उठ्ने पूँजी नयाँ क्लिङ्कर प्लान्ट स्थापना तथा वर्तमान प्लान्टको क्षमता विस्तारमा लगानी गरिने कम्पनीले जनाएको छ।