काठमाडौं । यूनाइटेड अजोड इन्स्योरेन्स लिमिटेडले पर्वत जिल्लाको पैयू गाउँपालिकामा कृषि, पशुपन्छी र जडिबुटी सम्बन्धी अन्तरक्रिया कार्यक्रम सम्पन्न गरेको छ।

कार्यक्रम यूनाइटेड अजोड इन्स्योरेन्सका गण्डकी प्रदेश प्रमुख गोपाल प्रसाद पौडेलको अध्यक्षतामा भएको थियो। कार्यक्रममा गण्डकी प्रदेश प्रमुखले निर्जीवन बीमा सहित कृषि, पशुपन्छी र जडिबुटी बीमा सम्बन्धी आफ्नो धारणा प्रस्तुत गरे।

पैयू गाउँपालिकाको उपाध्यक्ष याम कुमारी रानाको प्रमुख आतिथ्यतामा सञ्चालन भएको उक्त कार्यक्रम युनाइटेड अजोड इन्स्योरेन्स पर्वत शाखा प्रमुख बिक्रम ढुंगानाले संचालन गरे। कार्यक्रममा करिब ७० कृषकहरूले सहभागिता जनाए।

कार्यक्रममा पशु बीमा गरेका कृषकहरूलाई खादा ओढाएर पोलिसी हस्तान्तरण गरी सम्मान गरिएको थियो। कृषकहरूले बीमा पोलिसी प्राप्त गर्दा खुशी व्यक्त गर्दै कम्पनीप्रति आभार व्यक्त गरे।