काठमाडौं । लीपमोटर, सिट्रोन, प्यूजो लगायत विश्व प्रसिद्ध ब्रान्डहरूको प्रतिनिधित्व गर्ने नेपालको अग्रणी अटोमोबाइल वितरक सांग्रिला मोटर्स प्रा.लि.ले मंसिर १४ गतेदेखि मंसिर २१ गतेसम्म नेपालभरका सम्बन्धित शोरूमहरूमा लीपमोटर र सिट्रोनका लागि दुई विशेष एक्सचेन्ज क्याम्पहरू आयोजना गर्ने घोषणा गरेको छ।

लीपमोटरको “एक्सचेन्ज विथ द बेस्ट” क्याम्पले ग्राहकहरूलाई नगद छुट, एक्सचेन्ज बोनस, नि:शुल्क रोड ट्याक्स र दर्ता, २.२ किलोवाट ट्राभल चार्जर र नि:शुल्क ७ किलोवाट होम चार्जर तथा अन्य सहायक उपकरणसहित उत्कृष्ट कार चलाउने अवसर प्रदान गर्नेछ।

त्यसैगरी, सिट्रोनको “एक्सचेन्ज विथ द बेस्ट” क्याम्पले सहभागीहरूलाई एक्सचेन्ज बोनस, एमसीबी बक्स सहितको नि:शुल्क ३.३ किलोवाट चार्जर, एक वर्षको अटो प्लस बीमा, नि:शुल्क रोड ट्याक्स र दर्तासहित कार अपग्रेड गर्न प्रोत्साहित गर्नेछ।

सांग्रिला मोटर्सले राष्ट्रव्यापी रूपमा गुणस्तरीय सवारी साधन, नवीन समाधान र भरपर्दो बिक्रीपछि सेवा मार्फत ग्राहक अनुभवलाई निरन्तर उत्कृष्ट बनाउँदै आएको छ।