हेटौँडामा सीडीओको कार्यशैली विवादित, मानवीय संवेदनामा प्रश्न

काठमाडौं । काठमाण्डौ महानगरपालिका मेयर बालेन साहले लखेटेका सहसचिव बसन्त अधिकारीले हेटौडामा उत्पात मच्चाएका छन् ।

बसन्त अहिले मकवानपुरको सिडिओ छन् । करारको कर्मचारी नियुक्तीमा जालझेल गरेपछि बालेनको आँखाको तारो बनेका अधिकारी अहिले हेटौडाका जनताका लागि आँखाको तारो बनेका हुन् ।

नागरिकको मौलिक हकमा डोजर चलाएर न्यूनतम मानवीय संवेदना माथि सिडिओले कानूनले नदिएको अधिकारको सुँड पसारेका बसन्तले दुनियाँलाई रुवाएका हुन् ।

राम्रो ट्रयाक रेकर्ड नभएका अधिकारी बाराको सिडिओ हुँदा अनियमितताको बाछिटा लागेका कर्मचारी हुन् । बसन्तलाई चिन्ने कर्मचारी उनलाई राम्रो पटक्कै भन्दैनन् । चितवन घर भएका उनले छिमेकी जिल्ला मकवानपुरमा राज्य आतंक मच्चाएपछि बालेनले लखेटेको चितवनको धुव्रे हात्तीले हेटौडामा उत्पात मच्चाएको विश्लेषण गरिन थालेको छ ।

कानूनी राज्यलाई लत्याएर नागरिकको घरमा डोजर चलाएपछि बसन्तको कुकृत्यको दैलो उघ्रिने क्रममा छ । उनीमाथी अख्तियारमा उजुरी समेत परेको छ ।

काठमाण्डौ महानगरमा बालेनलाई बद्नाम गराएका बसन्तले अहिलेको जेनजी आन्दोलनको बेलमा बनेको सुशीला कार्की सरकारलाई बद्नाम गराउन ज्यान फालेरै लागेका छन् ।