काठमाडौं । एनएमबि बैंकले आफ्ना ग्राहकहरूका लागि एक महत्त्वपूर्ण डिजिटल सुविधाको सुरुवात गरेको छ। बैंकले व्यक्तिगत तथा साना तथा मझौला उद्यम (MSME) कर्जाका लागि आवेदन दिएका ग्राहकहरूले आफ्नो कर्जा आवेदनको अवस्था वास्तविक समयमा (रियल–टाइम) ट्र्याक गर्न सक्ने सुविधा उपलब्ध गराएको हो।

यस सुविधाको सुरुवातसँगै कर्जाका लागि आवेदन दिएका ग्राहकहरूले आफ्नो आवेदनको अवस्था बुझ्न बैंकको शाखासम्म धाउनुपर्ने वा फोनमार्फत सोधपुछ गर्नुपर्ने झन्झटबाट मुक्ति पाएका छन्।

बैंकमा कर्जाका लागि आवश्यक कागजात पेश गरेपछि ग्राहकलाई एक ‘ट्र्याकिङ नम्बर’ प्रदान गरिनेछ। सो नम्बर प्रयोग गरी ग्राहकहरूले एनएमबि बैंकको वेबसाइटको डिजिटल बैंकिङ खण्डमा गई Online Loan Tracker चयन गरेर वा सिधै https://digi.nmb.com.np/loan-tracker मा गई आफ्नो कर्जा प्रक्रिया कहाँसम्म पुगेको छ भन्ने जानकारी लिन सक्नेछन्।