काठमाडौं । नेपालमा जीकर सवारी साधनको आधिकारिक वितरक पायोनियर मोटो कर्प प्रा. लि. ले क्रिसमस तथा नयाँ वर्षलाई लक्षित गर्दै ‘जीकर एक्स नाउ ओर नेभर’ विशेष अफर सार्वजनिक गरेको छ। लक्जरी इलेक्ट्रिक मोबिलिटीलाई अझ सहज र आकर्षक बनाउने उद्देश्यसहित ल्याइएको यस अफरमार्फत ग्राहकहरूले प्रिमियम पूर्ण–इलेक्ट्रिक एसयूभी जीकर एक्स विशेष मूल्यमा खरिद गर्न सक्नेछन्।

सीमित अवधिका लागि लागू हुने यस अफरअन्तर्गत जीकर एक्स अब नियमित मूल्य रु. ८४ लाख ९९ हजार बाट घटेर विशेष फेस्टिभ मूल्य रु. ६४ लाख ९९ हजार मा उपलब्ध हुने कम्पनीले जनाएको छ। यो सवारी साधन भोल्भो EX30 सँग साझा गरिएको अत्याधुनिक गिली SEA2 प्लेटफर्म मा आधारित रहेको छ।

२०० किलोवाट क्षमताको उच्च प्रदर्शन मोटर जडित जीकर एक्सले ३४३ नुटनमिटर टर्क उत्पादन गर्ने र केवल ५.६ सेकेन्डमा ०–१०० किमी/घन्टा गति हासिल गर्न सक्ने क्षमता राख्दछ।

स्वीडेनको गोथेनबर्गस्थित जीकर ग्लोबल डिजाइन सेन्टरमा डिजाइन गरिएको जीकर एक्समा मिनिमलिस्ट डिजाइन, फ्रेमलेस ढोका तथा १४.६ इन्च स्लाइड हुने केन्द्रीय स्क्रिन सहितको लक्जरी इन्टेरियर समावेश छ। साथै, १३ स्पिकरको यामाहा सराउण्ड साउण्ड सिस्टम ले प्रिमियम अनुभव प्रदान गर्छ।

सुरक्षाको दृष्टिले पनि जीकर एक्स अग्रणी मानिन्छ। यसले युरो एनसीएपी र ग्लोबल एनसीएपी दुवैबाट ५-स्टार सेफ्टी रेटिङ प्राप्त गरेको छ। गाडीमा ७ एयरब्याग र लेभल–२ एडभान्स्ड ड्राइभर असिस्टेन्स सिस्टम (ADAS) जडान गरिएको छ।

नेपाली सडक अवस्थालाई ध्यानमा राखी तयार गरिएको जीकर एक्समा १९१ मिलिमिटर ग्राउन्ड क्लियरेन्स र ६६ किलोवाटआवर क्षमताको ब्याट्री दिइएको छ, जसले WLTP मापदण्डअनुसार ४४० किलोमिटर सम्मको रेन्ज प्रदान गर्छ।

पायोनियर मोटो कर्पका अनुसार, यो सीमित अवधिको ‘नाउ ओर नेभर’ अफर उच्चस्तरीय इलेक्ट्रिक मोबिलिटीलाई प्रतिस्पर्धी मूल्यमा अनुभव गर्न चाहने ग्राहकहरूका लागि उत्कृष्ट अवसर हो।

पायोनियर मोटो कर्प प्रा. लि. बारे

पायोनियर मोटो कर्प प्रा. लि. नेपालका अग्रणी अटोमोबाइल वितरकहरूमध्ये एक हो। कम्पनीले बलियो बिक्री तथा सेवा सञ्जालमार्फत अन्तर्राष्ट्रिय स्तरका सवारी साधनहरू नेपाली बजारमा उपलब्ध गराउँदै आएको छ। थप जानकारीका लागि नजिकैको जीकर शोरूममा सम्पर्क गर्न वा www.zeekr-nepal.com मा जान सकिनेछ।