ललितपुर । नाडा अटोमोबाइल्स एशोसिएशन अफ नेपालको ४९औं वार्षिक साधारण सभा (बन्द सत्र) भव्यताका साथ सम्पन्न भएको छ। सभा संस्थाको आन्तरिक सुदृढीकरण र नीतिगत छलफलमा केन्द्रित थियो र सदस्यहरूको ऐतिहासिक सहभागिता सुनिश्चित भयो।

हाल नवीकरण भएका १,५४८ सदस्यमध्ये १,४८३ सदस्यको प्रत्यक्ष उपस्थितिमा सम्पन्न यस सभाले संस्थाप्रति बलियो विश्वास र एकताको संकेत दिएको छ। कार्यक्रम जिल्ला प्रशासन कार्यालयको निर्देशनअनुसार कानूनी व्यवस्थामा सम्पन्न भएको र बन्द सत्र भएकाले मिडियालाई आमन्त्रित नगरेको पनि जानकारी दिइयो।

सभाका मुख्य निर्णयहरू:

विभिन्न एजेण्डा र कार्यसूचीहरूमा छलफल गरी सर्वसम्मतिपूर्वक प्रस्ताव पारित।

आगामी दिनका लागि नीति, संरचना, पारदर्शिता र रणनीतिक मार्गचित्रबारे मार्गनिर्देशन।

अटोमोबाइल व्यवसायीहरूबीच सहकार्य, व्यावसायिक हकहित र जिम्मेवार परिचालनबारे विचार-विमर्श।

सदस्यहरूको अनुशासन र व्यवस्थित व्यवस्थापनका कारण सभा सौहार्दपूर्ण रूपमा सम्पन्न।

सभामा नयाँ कार्यसमिति चयनका लागि पौष २५, २०८२ मा निर्वाचन गर्ने निर्णय समेत भएको छ। साथै महासंघमा समावेशीकरण सम्बन्धी प्रस्ताव पनि पारित गरिएको छ।

नाडा एशोसिएशनले सदस्यहरूको समर्थनप्रति आभार व्यक्त गर्दै भविष्यमा पनि कानूनी मापदण्ड र पारदर्शी संस्थागत जिम्मेवारीमा कटिबद्ध रहने प्रतिबद्धता दोहोर्याएको छ।