काठमाडौँ, २४ डिसेम्बर २०८२ – बागमती प्रदेशमा पहिलो पटक लघुवित्त सदस्य सम्मेलन आयोजना हुने भएको छ। सम्मेलन पौष ११ गते शुक्रबार कार्की ब्यांक्वेट, बबरमहलमा हुने जानकारी बुधबार आयोजित पत्रकार सम्मेलनमा दिइयो।

सम्मेलन मानुषी लघुवित्त, स्वावलम्बन लघुवित्त, छिमेक लघुवित्त, सूर्योदय वोमी लघुवित्त र महिला सहयोगी बचत तथा ऋण सहकारीको संयुक्त आयोजनामा हुने छ। उद्घाटन राष्ट्रिय योजना आयोगका उपाध्यक्ष डा. प्रकाश कुमार श्रेष्ठले गर्ने आयोजकले जानकारी दिएका छन्।

“स्वस्थ लघुवित्त, समृद्ध सदस्य” भन्ने मूल नाराका साथ हुने सम्मेलनमा बागमती प्रदेशमा केन्द्रीय कार्यालय रहेका लघुवित्त संस्थाहरुको सहभागिता रहनेछ। सम्मेलनले सदस्यहरुबीच अनुभव आदानप्रदान, ज्ञान अभिवृद्धि र आपसी सहकार्य बढाउने लक्ष्य राखेको छ।

आयोजकका अनुसार, सम्मेलनले विपन्न वर्गको जीवनस्तर सुधार, ग्रामीण अर्थतन्त्रमा लघुवित्तको योगदानलाई सुदृढ बनाउने, युवा सदस्यमा उद्यमशीलता प्रवद्र्धन गर्ने र लघुवित्तप्रतिको नकारात्मक धारणा परिवर्तन गर्ने भूमिका खेल्ने अपेक्षा गरिएको छ।समाचार