कोशी प्रदेश, २४ डिसेम्बर २०८२ – ग्लोबल आइएमई बैंक लिमिटेड र डिएआई–उदय परियोजनाले कोशी प्रदेशका साना तथा लघु उद्यमहरुलाई कर्जा उपलब्ध गराउने समझदारी पत्रमा हस्ताक्षर गरेका छन्। बैंकका प्रमुख कार्यकारी अधिकृत सुरेन्द्र राज रेग्मी र परियोजनाका चिफ अफ पार्टि अरुण रानाले हस्ताक्षर गरेका हुन्।

यस सहकार्य अनुसार, परियोजनाले छनौट गरेका उद्यमहरुले बैंकको सम्पूर्ण कोशी प्रदेश शाखाबाट सहज कर्जा पाउनेछन्। यसले व्यवसाय विस्तारमा सहयोग पु¥याउने र रोजगारी सिर्जना बढाउने विश्वास व्यक्त गरिएको छ।

डिएआई–उदय परियोजनाले नवीकरणीय ऊर्जा, कृषि प्रशोधन, आईटी, पर्यटन र उत्पादनमूलक उद्योगमा व्यवसायिक उन्नतिको लागि वित्तीय पहुँच सजिलो बनाउँदै आएको छ।

ग्लोबल आइएमई बैंक देशभर ७७ जिल्लामा शाखा सञ्जाल, एटीएम र वैदेशिक प्रतिनिधि कार्यालयमार्फत ग्राहक सेवा दिँदै आएको छ। साथै, बैंकले विश्वभर नेपाली नागरिकहरुलाई रेमिट्यान्स सेवा उपलब्ध गराउँदै आर्थिक समृद्धिमा योगदान पुर्‍याइरहेको छ।